Me qëllimin për të përcjellë mesazhin se sanksionet perëndimore kanë dështuar të izolojnë Rusinë, presidenti Vladimir Putin mbledh më shumë se 20 krerë shtetesh, në samitin e ekonomive në zhvillimit, të BRICS që mbahet në Kazan. Mes tyre janë presidenti kinez Xi Jinping, kryeministri Indian Narendra Modi dhe presidenti iranian Masoud Pezeshkian.
Kremlini e ka cilësuar si një prej “ngjarjeve më të mëdha të politikës së jashtme” të mbajtura ndonjëherë. Rusia dëshiron që samiti të tregojë fuqizimin e botës jo-perëndimore, por partnerët e vet, nga Kina, India, Brazili dhe vendet arabe i bëjnë thirrje Putinit të gjejë një mënyrë për t’i dhënë fund luftës në Ukrainë.
Grupi i BRICS përfshin tashmë 45 përqind të popullsisë botërore dhe 35 përqind të ekonomisë së saj. “Bëhet fjalë për një grup shtetesh që punojnë së bashku bazuar tek vlerat dhe vizioni i përbashkët, dhe më e rëndësishmja tek parimi për të marrë në konsideratë interesat e secilit”, ishin fjalët e Putinit, që pritet të zhvillojë një takim me presidentin Kinez Shi Xhinpin, transmeton A2.
Samiti i Brics zhvillohet teksa krerët e financave globale mblidhen në Uashington mes luftës në Lindjen e Mesma dhe Ukrainë, dobësimit të ekonomisë kineze dhe shqetësimeve se presidencialet në SHBA mund të nxisin beteja të reja tregtare, raporton A2.
Shefi i Kremlinit, ju desh t’i përgjigjej edhe pyetjeve për luftën në Ukrainë dhe mundësinë e një armëpushimi. Ai e bëri të qartë se Moska nuk do të këmbejë asnjë prej 4 rajoneve një lindje të Ukrainës, që siç ishin tani pjesë e Rusisë edhe pse pjesë të tyre mbeten jashtë kontrollit të saj. Dy burime ruse të cituara nga Reuters, thonë se pavarësisht bisedimeve të shtuara në Moskë për një armëpushim të mundshëm, nuk ka ende asgjë konkrete dhe se po prisnin rezultatin e zgjedhjeve në SHBA.
