Qeveria e Kosovës ka mbajtur mbrëmë një mbledhje në formë elektronike, në të cilën ka marrë një vendim.
Në këtë mbledhje, Qeveria ka ndryshuar dhe plotësuar vendimin që kishte marrë në mbledhjen që ishte mbajtur më 23 tetor, për miratimin e programit për Zyrën për Cështje të Komuniteteve për vitin 2024. Ndryshimet dhe plotësimet janë bërë tek Neni 6 dhe 7.
Neni 6 është për kriteret e aplikimit, për mediat të cilat aplikojnë për mbështetje financiare sipas thirrjes publike të publikuar nga kjo zyrë. Kriteri i dytë ka qenë që të dorëzohet formulari i propozim buxhetit. Me vendimin e marrë mbrëmë, kjo pikë është fshirë.
Një pikë është fshirë edhe tek Neni 7, që është për Komisionin Vlerësues. Me vendimin e mbrëmshëm është fshirë pika 4 ku thuhet se anëtarët e Komisionit duhet të njohin të dy gjuhët zyrtare, në nivelin profesional.
Ndërkohë, pika 5 e këtij neni ku thuhej se “Ekspertë të jashtëm për përzgjedhjen e projekteve të medias duhet të jenë ekspertë të medias”, është zëvendësuar me fjalinë “Ekspertét e jashtém pér pérzgjedhjen e projekteve duhet të jenë ekspertë të medias apo të OJQ-ve”.g.e.
