Qendra Kombëtare për Menaxhim Kufitar ka bërë të ditur se pikat kufitare në Merdar dhe në Bërnjak janë ende të mbyllura.
Në përditësimin e orës 9:04 të QKMK-së, thuhet se pika kufitare në Jarinje është e bllokuar për qytetarët me dokumente të Republikës së Kosovës.
Ndërkohë zëvendësdrejtori për rajonin e veriut, Veton Elshani, tha se në Jarinjë tani qarkullimi po vijon pa probleme.
“Në Jarinje po qarkullojnë veturat, për momentin nuk ka asnjë problem”, tha ai.
E sipas QKMK-së, pritje për të dalë nga Kosova në pikat tjera kufitare, janë maksimumi pesë minuta.
