Serbia e ka shndërruar veriun e Kosovës në Gjermani Lindore, jeta në këtë pjesë të Kosovës bëhet nën ekskluzivitetin e sipërmarrësit Milan Radoiçiq.
Kështu nis tekstin e tij Milan Radonjiq, gazetar në tabloidin hulumtues serb Radar.
Sipas Radar-it, Aleksandar Vuçiq edhe pse në Serbi ende nuk ia doli, veriun e Kosovës e shndërroi me sukses në Gjermaninë Lindore, ku në zgjedhje ka vetëm një parti, ekzistenca varet nga qeveria dhe e ardhmja nuk vjen kurrë.
“Sulmet ndaj politikanëve të opozitës morën vrull me nënshkrimin e Marrëveshjes së Brukselit, kur qeveria në Beograd kuptoi se nuk do të kishte mbështetje nga serbët për atë që kishte nënshkruar,” Dejan Nedeljkoviq, tha një aktivist politik nga Mitrovica e Kosovës dhe një ish bashkëpunëtor i Oliver Ivanoviq.
“Ne e pamë që Lista Serbe u krijua nga njerëz pa arsim dhe përvojë, por edhe pa asnjë cilësi morale. Ne vendosëm të ofrojmë një alternativë dhe besuam te fitorja, e cila ishte realiste”.
Sipas Radar, Lista Serbe e dirigjuar nga Aleksandar Vuçiq ia ka vështirësuar jetën serbëve që jetojnë në Kosovë. Shumica prej tyre do të largoheshin nga këtu, por nuk lejohen nga Serbia.
Besimi i humbur
Por për herë të parë u bë e ditur se serbët e Kosovës, do të kishin pushtet edhe në Beograd kundër tyre, kur xhandarmëria serbe nën udhëheqjen e komandantit të atëhershëm Bratislava Dikiq sulmoi qendrat e votimit në vitin 2013, kutive e votimit dhe hodhën gaz lotsjellës.
“Kërcënimet që u bënë ishin të paimagjinueshme deri atëherë. U njoftuan vrasjet e bashkëshortëve dhe fëmijëve, u dogjën veturat e njerëzve, u hodhën bomba nëpër shtëpi”, thotë Nedeljkoviq, i cili vetë u sulmua në qendër të Mitrovicës nga tre burra të panjohur në qershor të vitit 2017. T
re të rinj me kapuç e sulmuan atë në qendër të qytetit derisa po kthehej në shtëpi me të dashurën e tij dhe e gjithë skena u pa në heshtje nga pesë policë serbë të SHPK-së, të cilët në vend të sulmuesve e ndaluan në përpjekje për t’u mbrojtur.
“Me vrasjen e Oliver Ivanoviqit, çdo mendim për një alternativë politike pushoi së ekzistuari. Sot formalisht ekzistojnë disa opsione politike, siç është Demokracia e Re Serbe, e gjithë lufta politike e së cilës përmblidhet në faktin se ata po bëjnë atë që Lista Serbe nuk mund ta bëjë më, sepse kanë humbur besimin e njerëzve që nga viti i kaluar”.
“Kështu, për herë të parë në histori, me distanca etnike shekullore dhe konflikte me shqiptarët, serbët e Kosovës u përballën me represionin e shfrenuar të Beogradit, i cili ia fali jetën sipërmarrësit Milan Radoiçiq, i cili një ditë thotë të mos punojmë kundër Kosovës, dhe tjetra ngre kryengritje kundër ‘terrorit të Kurtit’. Mes atyre dy zjarreve, në lojën politike të tymit dhe pasqyrave, në të cilën asgjë nuk është si duket, serbët nga veriu i Kosovës marrin pjesë me forcën e rrethanave si subjekt i pavetëdijshëm dhe si zotim për të mbajtur pushtetin në Beograd”.
Nedeljkoviq thekson se pas Banjskës situata ka ndryshuar, duke sjellë më shumë liri për angazhimin e njerëzve, por kjo mundësi ende merret me një lloj turpi, si diçka e ndaluar.
“Ndoshta për shkak se serbët e Kosovës të orientuar nga opozita janë shpifur në mënyrë maniake në mediat qeveritare, zyrtarët e qeverisë i tërheqin ata në gjykatë, si Rada Trajkoviq, ose i ndalojnë me orë të tëra në vendkalimet administrative ndërmjet Kosovës dhe Serbisë qendrore, si veteranët e fundit politikë Momçilo Trajkoviq dhe Marko Jakshiq”.
Së fundi, por jo më pak e rëndësishmja, sipas tij lista Srpska e ruajti motivin e ekzistencës, sepse në veri ka vetëm punë të ofruara nga Serbia.
“Të gjithë ata që punojnë janë të punësuar me kontratë pune, d.m.th kontratë për angazhim të veçantë, ku një nga pikat e kontrata është që i detyron ata të ndihmojnë popullatën në veri të Kosovës. Megjithatë, frika që bllokonte njerëzit më parë është zhdukur. Nuk do të jetë kurrë në nivelin që kishim vitet e kaluara, por nuk ka më forcën dhe unitetin që ekzistonte dikur”.
Era e tradhtisë
Mediat serbe së fundi janë vërshuar me shkrime kundër një aktivisti të opozitës në veri të Kosovës, pa asnjë keqardhje, sikur vetëm para disa vitesh të mos e kishin lajmëruar kështu vrasjen e Oliver Ivanoviqit.
Radoica Radomiroviq është njëra nga personat që ka nisur iniciativën qytetare Për Liri, Drejtësi dhe Mbijetesë në Leposaviq dhe Zubin Potok. Ai është edhe zëvendësministër për Komunitete dhe Kthim në Qeverinë e Kosovës. Pas një sërë njoftimesh për përvetësime në komunat e veriut të Kosovës, ai u sulmua brutalisht në mediat proqeveritare në Serbi dhe së shpejti në publik u shfaqën audio incizime komprometuese kundër tij.
Më 5 maj, një person i panjohur ka qëlluar nga vetura në lëvizje dhe ka drejtuar pistoletën automatike në drejtim të Marko Jabllanoviqit, anëtar i partisë së Radomiroviqit, ndërsa Policia e Kosovës ka bërë kallëzim penal për tentim vrasje. Jabllanoviq ishte arrestuar më parë për armëmbajtje pa leje dhe trafik droge në një skandal të njohur në të cilin ishte përdorur vetura zyrtare e Qeverisë së Serbisë, gjegjësisht Ministrisë së Punës, e cila atëherë drejtohej nga Aleksandar Vulin.
Bashkëbiseduesi i Radarit nënvizon se atmosfera në Listën Serbe është e tillë që shumica dërrmuese do të largoheshin vetë nga Kosova, po të mundnin, por nuk u lejohet një gjë e tillë, ndërkohë që pengohet edhe veprimi i opozitës potenciale.
“Kur është fjala për Kërcënime, nuk do të vë bast se ato kanë vetëm kërcënime, pa oferta. Dhe ofertat janë sigurisht bujare”.
Edhe pse rrethanat ndryshuan pas Banjskës, disa gjëra mbetën të njëjta, të paktën në formë. Derisa vazhdojnë bastisjet e policisë së Kosovës në objektet e Postës dhe anulimi i dinarëve, serbëve në veri u kërkohet që me flamuj të përshëndesin procesin e luftës kundër Rezolutës për Srebrenicën në OKB. Në rrugë dolën vetëm rreth njëqind njerëz me makina. Meqenëse ishte një numër shumë më i vogël se sa kërkohej, kryetari i ri i organit të përkohshëm të Mitrovicës së Kosovës, Ivan Zaporzhac, ishte ftuar në një objekt hotelierie ekskluzive në Kopaonik, i cili ishte brutal si zakonisht në ato situata, shkruan gazeta express.Mirëpo, duket se as serbët e Kosovës nuk duan të jetojnë tërë jetën në një burg që drejtohet nga më i keqi mes tyre, siç shihet nga tabelat e panumërta në rrugën nga Jarinja në Mitrovicë, ku thuhet ‘Pronë në shitje’.
