Kryetari i KQZ-së, Kreshnik Radoniqi në fund të mbledhjes tha se zyrtarisht ende nuk dinë asgjë sa i përket raportimeve lidhur votat e diasporës në Zagreb, për të cilat mediat raportuan për keqpërdorim të mundshëm rreth procedurës së transportimit të votave nga ambasadori Martin Berisha, për çka dje edhe prokuroria i nisi hetimet.
Ai tha se për rastin ka dëgjuar nga mediat dhe kjo mbetet të vërtetohet.
“Zyrtarisht ende nuk dimë asgjë, po flasim zyrtarisht. Kemi dëgjuar nga mediat, por kjo mbetet të vërtetohet. Stafi i ambasadave, i secilës ambasadë është emëruar nga ne që të jenë pjesë e tërheqjes së tyre, por si ka shkuar aty procedura saktësisht nuk e di”, ka theksuar Radoniqi,shkruan rtk.Ndërkohë ai ka uruar që votimi, i cili nesër do të zhvillohet në përfaqësitë diplomatike të Kosovës nëpër botë të shkojë i qetë. Ai ka ftuar qytetarët të cilët e kanë zgjedhur këtë formë votimi të bëhen pjesë e procesit që bëri thirrje të jetë i rregullt e demokratik.
