Sot, Kryetari i Odës Ekonomike të Kosovës, Lulzim Rafuna, u takua me Ambasadorin e Japonisë në Kosovë, Kiminori IWAMA, ku kanë diskutua për mundësitë e thellimit të bashkëpunimit ekonomik ndërmjet Kosovës dhe Japonisë, si dhe për nxitjen e investimeve japoneze në vendin tonë.
Oda Ekonimike njofton se Rafuna ka shprehur mirënjohjen për mbështetjen e vazhdueshme të Japonisë ndaj Kosovës dhe ka theksuar rëndësinë e ndërtimit të urave të bashkëpunimit mes komuniteteve të biznesit të të dy vendeve.
Kurse nga ana e tij, Ambasadori IWAMA është shprehur i gatshëm për të mbështetur iniciativat që nxisin lidhjet ekonomike dhe shkëmbimet tregtare ndërmjet Kosovës dhe Japonisë.
Oda Ekonomike e Kosovës do të vazhdojë angazhimin e saj në krijimin e mundësive të reja për bashkëpunim ndërkombëtar dhe në fuqizimin e sektorit privat.
