Kryeministri Edi Rama iu përgjigj përmes një videomesazhi kreut të Demokratëve Euroatlantikë, Lulzim Basha.
Prej disa ditësh, Kryeministri ka zgjedhur t’i përgjigjet përmes videomesazheve deklaratave të kreut të Demokratëve Euroatlantikë, ndërsa shpeshherë ka ironizuar Bashën edhe përmes teksteve të këngëve të reperit nga Kosova, Unikatil.
Ndërsa Basha prezantoi Hysen Xhurën si kandidat te njësia 4 në Tiranë, Rama iu përgjigj: “Shyqyr e nxore një, se pyet mileti a ke njeri, a je veç ti? Hysenit i kam njohur babën, burrë zotëri, nëse nuk e ngatërroj unë. Ishalla i ka ngjarë të atit! Tjetër ke? Apo vetëm Hysenin, laj, thaj”.
“Dëgjoje pak, se tani që të ngjalla nuk ta kam ngenë të të dëgjoj përditë që i bie fyellit po në një brimë. Dëgjoje e ndërro regjistër, se ke fjetur gjatë dhe duhet t’i rikujtoj disa gjëra: ‘100 zogj pulash kundër një luani’. Ik tani, artist, ik e mos ma qaj hallin mua, po shiko e merru me bufin se po t’i kullufit demokratët edhe jo këtu bën si i fortë dhe andej rri ‘squk’”, iu përgjigj Rama Bashës.atsh.
