Kryeministri i Shqipërisë, Edi Rama, ka publikuar një foto-album nga vizita e djeshme e presidentit turk , Recep Tayyip Erdogan në Tiranë.
“MIRËMËNGJES dhe me Foto ALBUMIN e vizitës së një Miku të Madh të Shqipërisë e shqiptarëve dje në Tiranë, ju uroj një ditë të mbarë”, shkroi Rama.
Erdogan vizitoi të enjten Tiranën, ku u prit në një ceremoni shtetërore nga presidenti Bajram Begaj, me të cilin zhvilloi edhe një takim në presidencë.
Më pas ai iu drejtua kryeministrisë për t’u takuar me kryeministrin Edi Rama, ndërsa mbajtën edhe një deklaratë të përbashkët për mediat.
Rama dhe Erdogan dje kanë nënshkruar tri marrëveshje të rëndësishme në mes dy shteteve, atë për bujqësi, për arsim si dhe për marrëdhënie me publikun.
Vizita u përmbyll me inaugurimin e xhamisë së Namazgjasë, ku presidenti turk u shpreh se objekti do të jetë “simboli i miqësisë, vëllazërisë dhe solidaritetit mes dy vendeve”
