Kryetari i Komunës së Prishtinës, Përparim Rama, ndihet mirë ndërsa qytetarët janë shprehur të kënaqur me shërbimet e ngrohtores Termokos, ndërsa kujton se nga anketimi 80 për qind e tyre kanë treguar kënaqshmëri me ngrohjen, përcjell Kosova Post.
Ndërkohë, kryetari Rama thekson se sezonin e ardhshëm do të ketë kyçje të reja, zgjerim të rrjetit dhe përmirësim të aktualit ku ka nevojë.
“Një lajm shumë i mirë, i cili tregon se angazhimi me shumë vullnet i punëtorëve të palodhshëm të ngrohtores me në krye kryeshefin ekzekutiv Fisnik Osmani, të cilët në qendër kanë qytetarin, sjell rezultate të jashtëzakonshme”, është shprehur kryetari Rama.
