Real Madridi thuhet se do të largojë Aurelien Tchouamenin, Ferland Mendyn dhe Lucas Vazquezin, sipas një raportimi nga “Fichajes.net”.
Kjo vjen pasi “Los Blancos” pësuan një humbje 5-2 kundër Barcelonës në Superkupën e Spanjës të dielën, më 12 janar, dhe ndaj Celta Vigos nuk është se bënë më mirë, pasi u nevojitën shtesat për t’u kualifikuar në Kupën e Mbretit.
Tchouameni ka pasur vështirësi si një qendërmbrojtës i improvizuar për Madridin këtë sezon.
Francezi ka qenë përgjegjës edhe për disa gabime që kanë bërë që Reali të ndëshkohet.
Kështu, Madridi thuhet se është i gatshëm ta shesë atë pasi ai ka qenë i lidhur me Liverpoolin në muajt e fundit.
Tchouameni ka regjistruar 23 paraqitje për Madridin këtë sezon dhe ai ka kontraktuar në “Bernabeu” deri në qershor 2028.
Duke pasur parasysh vlerën e tij të transferimit prej 80 milionë euro sipas “Transfermarkt”, të ardhurat nga shitja e tij e mundshme mund të përdoren për nënshkrimin e një mesfushori të ri.
Ndërkohë, performanca e Mendyt ka rënë këtë sezon. Nga ana tjetër, kontrata e tij në “Bernabeu” do të përfundojë në verë.
“Fichajes.net” raporton se francezi ka kërkuar rritje rroge. Megjithatë, Madridi raportohet se nuk dëshiron të përmbushë kërkesën e tij.
Kjo mund të nënkuptojë se ata mund të jenë të gatshëm ta largojnë atë në fund të sezonit 2024-2025.
Së fundi, Vazquez është gjithashtu një nga lojtarët të cilit kontrata në “Bernabeu” i skadon në verë.
Performanca e spanjollit si mbrojtës i djathtë ka qenë gjithashtu jo e qëndrueshme.
Ndjekja e Madridit për Trent Alexander-Arnold të Liverpoolit mund të jetë gjithashtu një tregues se ata mund të largojnë Vazquezin.
Në 25 paraqitje, spanjolli ka shënuar dy gola dhe ka regjistruar tri asistime këtë sezon.s.net.
