Mediat lokale palestineze raportuan për “sulme të gjera dhe të rënda” të regjimit sionist në zona të ndryshme në Rripin e Gazës, transmeton Kosova Post.
Ushtria izraelite filloi agresionin e saj tokësor në Gaza, duke pretenduar se ka pushtuar zonën qendrore të aksit “Netzarim” në Rripin e Gazës.
Ushtria izraelite, ka nisur një operacion ushtarak tokësor në qendër të Rripit të Gazës, dhe thuhet se qëllimi i këtij operacioni është zgjerimi i zonës mbrojtëse dhe krijimi i një vije midis veriut dhe jugut të Rripit të Gazës.
Hamasi: Rritet numri i martirëve në Gaza,
Në krimin e fundit në Rripin e Gazës, avionët luftarakë të regjimit sionist bombarduan zonat e banuara në lindje të Khan Yunisit, duke vrarë 10 palestinezë dhe duke plagosur shumë të tjerë. Mediat palestineze raportuan gjithashtu se avionët luftarakë të regjimit pushtues shënjestruan pjesëmarrësit në një ceremoni zie në zonën “Al-Salatin” të Beit Lahia, duke rezultuar në martirizimin e më shumë se 16 personave dhe plagosjen e disa të tjerëve. Përveç kësaj, katër palestinezë, përfshirë një fëmijë, u martirizuan pas një sulmi ajror izraelit në një kamp refugjatësh palestinezë në veriperëndim të Khan Yunisit. Organizata e Mbrojtjes Civile e Rripit të Gazës gjithashtu njoftoi se 70 palestinezë ranë dëshmorë në sulmet e ditëve të fundit nga okupatorët sionistë në Rripin e Gazës dhe numri i dëshmorëve palestinezë si pasojë e sulmeve të reja ajrore të regjimit është rritur në 470 persona.
Situata në Gaza katastrofike, ndihmat po mbarojnë
Nga ana tjetër, një zëdhënës i Zyrës së OKB-së për Koordinimin e Çështjeve Humanitare në Gaza njoftoi se asnjë ndihmë nuk ka hyrë në zonë për më shumë se dy javë. Zyrtari i OKB-së paralajmëroi se furnizimet me ndihma humanitare po mbarojnë pasi kalimet mbeten të mbyllura dhe banorët e Gazës po përjetojnë kushte “të tmerrshme”.
OKB-ja thekson respektimin e armëpushimit në Gaza dhe lirimin e të burgosurve
Zëvendës zëdhënësi i OKB-së Farhan Haq pas sulmit izraelit në dy strehime të OKB-së në Palestinën e pushtuar tha se Sekretari i Përgjithshëm i OKB-së Antonio Guterres ka theksuar edhe një herë nevojën për të respektuar armëpushimin për t’i dhënë fund vuajtjeve të popullit të Gazës, për të ofruar ndihma humanitare dhe për të liruar pa kushte të burgosurit. Sipas Kombeve të Bashkuara, 280 anëtarë të stafit të kësaj organizate janë vrarë në sulmet izraelite në Gaza që nga 7 tetori 2023.
Hamasi i bën thirrje komunitetit ndërkombëtar që të marrë një qëndrim të qartë për bombardimin e zyrës së OKB-së në Gaza
Në këtë drejtim, Lëvizja e Rezistencës Islamike Palestineze “Hamas” i bëri thirrje bashkësisë ndërkombëtare, Kombeve të Bashkuara dhe institucioneve të lidhura me të, që të marrin një qëndrim të qartë dhe të vendosur kundër krimit të fundit të regjimit sionist në sulmin ndaj punonjësve të institucioneve të OKB-së në Gaza. Në një deklaratë, lëvizja e përshkroi shënjestrimin e punonjësve të organizatave ndërkombëtare si rrezik në rritje të një lufte gjenocidale që regjimi sionist po kryen kundër popullit palestinez nën hijen e heshtjes vdekjeprurëse të bashkësisë ndërkombëtare.
