Reagimi masiv me raketa dhe dron i Republikës Islamike të Iranit ndaj veprimeve agresive të regjimit izraelit bëri që tregjet financiare të luhateshin ndjeshëm dhe monedhat kryesore të tregut pësuan një rënie të mprehtë, transmeton Kosova Post.
Duke cituar Cointag, tregjet financiare për blerjen dhe shitjen e kriptomonedhave janë luhatur shumë pas reagimit të Iranit ndaj veprimeve agresive të regjimit sionist.
Kriptomonedha Bitcoin (BTC) ra ndjeshëm me më shumë se 8 njësi pas fillimit të reagimit të Iranit ndaj veprimeve agresive të regjimit sionist dhe hasi në 4 për qind ulje.
Çmimi i kësaj monedhe dixhitale ra nga rreth 67,000 dollarë në 61,625 dollarë, duke rezultuar në një humbje të konsiderueshme të kapitalit të tregut brenda pak minutash. Raportet nga tregjet financiare të botës tregojnë një rënie të mprehtë të kriptomonedhave të tjera. Sipas të dhënave të publikuara nga Crypto Markets, edhe vlera e tregut global të kriptove ra me 8.19%. Analistët financiarë thonë se përshkallëzimi i tensioneve në Lindjen e Mesme ka krijuar pasiguri dhe ndjenjë rreziku tek investitorët, gjë që ka çuar në një rritje të shitjeve në tregun e monedhave dixhitale.
Korpusi i Gardës Revolucionare Islamike të shtunën njoftoi se me qindra dronë dhe raketa u gjuajtën dhe goditën territoret dhe pozicionet ushtarake të regjimit sionist.
Rrjeti Al-Manar, duke cituar burime speciale, raportoi se të paktën 15 raketa iraniane goditën drejtpërdrejt bazën ajrore “Navatim” në jug të Palestinës së pushtuar. Sipas këtij raporti, baza Navatim është dëmtuar rëndë dhe për momentin ka dalë jashtë funksionit.
