Europa është përfshirë nga gara e ethshme e armatimeve. Kërcënimi rus kë shtuar shpenzimet ushtarake për vendet europiane dhe veçanërisht për ato vende të cilat kanë një kufi me Rusinë.
Sipas informacioneve të mediave ndërkombëtare rezulton se Suedia ka blerë 44 tanke të reja luftarake gjermane ‘Leopard 2 A8’. Përveç kësaj, 66 tanket ekzistuese Leopard 2 nga inventari suedez i mbrojtjes do të modernizohen gjerësisht, si dhe mjetet e tjera luftarake, theksoi Ministria e Mbrojtjes së Suedisë.
Në përgjithësi, masat do t’u kushtojnë suedezëve rreth 22 miliardë korona (rreth 1.9 miliardë euro) gjatë viteve të ardhshme. Kjo synon të forcojë ndjeshëm aftësitë mbrojtëse të vendit skandinav të BE-së dhe të kontribuojë në përfundimin e katër brigadave që janë duke u ngritur aktualisht, sipas ministrisë.
Për shkak të përkeqësimit të situatës së sigurisë, po ndërmerret riarmatimi më i madh që nga vitet 1950, shpjegoi ministri i Mbrojtjes Pal Jonson. Investimet në tanke dhe mjete luftarake janë një pjesë e rëndësishme e kësaj.
Sipas informacioneve, autoriteti përgjegjës suedez FMV ka nënshkruar një marrëveshje me kompaninë gjermano-franceze të armëve KNDS për dorëzimin e tankeve të reja Leopard. Dhjetë prej tyre synojnë të zëvendësojnë tanket që Suedia i dhuroi Ukrainës. Tanket e reja janë planifikuar të dorëzohen nga viti 2028 dhe ndoshta deri në vitin 2031. Në Suedi ata do të quhen Stridsvagn 123, shkruan A2CNN.Më herët ka qenë Gjermania e cila ka miratuar një program ambicioz armatimesh, të cilat kanë sjellë gjithashtu edhe përplasje brenda koalicionit trengjyrësh të Olaf Scholz.
