Rasti i vrasjes së aktivistit Enver Hadri ka nisur të rishqyrtohet të enjten.Konkretisht procedurat do të nisin ndaj Veselin Vukotiqit dhe Andria Drashkoviqit.
Pas kësaj ka reaguar vazja e veprimtarit Hadri, Teuta Hadri. Ajo u ka bërë thirrje qytetarëve të mos bien pre e dezinformatave të cilat thotë se i kanë nisur mediat serbe.
“Avokatët e palës kundërshtare, pra, avokatët e Draskovic-it, po tregohen shumë agresivë dhe po bëjnë gjithçka që munden për ta shfajësuar dhe liruar atë. Ju lutem që të mos bini në kurthin e dezinformatave të përhapura nga mediat serbe dhe të mos shpërndani këto informacione në rrjetet sociale. Ne, shqiptarët e Kosovës, jemi të vetëdijshëm për mjeshtërinë e fqinjëve tanë serbë në dezinformim kur bëhet fjalë për shtrembërimin apo fshehjen e së vërtetës. E vërteta juridike del në gjyq dhe jo përmes mediave gjatë procesit gjyqësor”, ka thënë Hadri.
Ajo po ashtu ka bërë të ditur se familjarët e aktivistit të ndjerë do të marrin pjesë në gjyq.
“Që unë dhe familja jonë të mund të marrim pjesë në gjyq me qetësi, ju falënderoj që të mos kontribuoni në këtë dezinformim strategjik nga mediat serbe. “Përça e sundo” ka qenë gjithmonë motoja e tyre për të mbjellë dyshime brenda komunitetit tonë, dhe shpërndarja e këtyre informacioneve nuk ju bën ekspertë në këtë çështje komplekse të vrasjes së babait tim, por kukulla të mediave manipuluese serbe”, ka thënë tutje vajza e Hadrit.
Hadri është vrare me më 25 shkurt të vitit 1990 në Saint-Gilles të Belgjikës teksa ishte duke pritur në semafor me veturë. Atë ditë kishte me vete listën e 32 shqiptarëve të vrarë në Kosovë nga Serbia të cilën do t’ia dorëzonte të nesërmen Komisionit të të Drejtave të Njeriut në Parlamentin Evropian.21Media.
