Ministri i Financave i Ugandës, Matia Kasaija, ka vizituar Shtëpinë e Kosovës në Davos gjatë Forumit Ekonomik Botëror, transmeton KosovaPost.
Sipas njoftimit nga Ministria e Ekonomisë, të dy ministrat theksuan rëndësinë e forcimit të marrëdhënieve dypalëshe.
“Ministrja e Ekonomisë, Artane Rizvanolli e ka mirëpritur ngrohtësisht ministrin Kasaija dhe ia ka prezantuar trashëgiminë e pasur kulturore dhe artin e Kosovës, që janë të ekspozuara në Shtëpinë e Kosovës në Davos.Ky angazhim nxjerr në pah potencialin për ndërtimin e urave dhe eksplorimin e rrugëve të bashkëpunimit mes dy vendeve”, thuhet në njoftim.
Tutje theksohet se Shtëpia e Kosovës në Davos është një moment unik për Kosovën dhe një platformë për lidhjen e Kosovës me botën.
