Rusia po shton përpjekjet e saj për të prodhuar dhe shpërndarë video të rreme dhe informacione false për të minuar legjitimitetin e zgjedhjeve amerikane dhe për të përkeqësuar ndarjet tashmë të thella, paralajmëruan agjencitë e inteligjencës amerikane, disa orë përpara ditës së zgjedhjeve.
“Këto përpjekje rrezikojnë të nxisin dhunë, përfshirë edhe kundër zyrtarëve zgjedhorë. Ne presim që aktorët rusë të publikojnë përmbajtje shtesë të prodhuara me këto tema gjatë ditës së zgjedhjeve dhe në ditët dhe javët pas mbylljes së votimeve”, thuhet në një deklaratë të përbashkët nga Zyra e Drejtorit të Inteligjencës Kombëtare, FBI dhe Departamentit të Sigurisë Kombëtare, shkruan A2cnn.Agjencitë thanë gjithashtu se Irani përbënte një kërcënim për integritetin e zgjedhjeve.
