Ambasada e Kosovës në Ankara, ka reaguar pas aksidentit ajror të një aeroplani ushtarak turk ku vdiqën disa ushtarë, transmeton KosovaPost.
Në reagim, I shprehet ngushëllimet familjeve të viktimave, dhe popullit popullit të Turqisë.
“Shprehim dhimbje të thellë për tragjedinë e rënies së avionit ushtarak të Forcave të Armatosura Turke. Ngushëllimet tona më të sinqerta për familjet dhe të afërmit e të ndjerëve, Forcat e Armatosura Turke dhe popullin e Republikës së Turqisë. Në këtë ditë të vështirë, Republika e Kosovës qëndron pranë Turqisë”, thuhet në reagim.
Një aeroplan ushtarak mallrash turk u rrëzua sot pranë kufirit të Azerbajxhanit dhe Gjeorgjisë, njoftoi Ministria Turke e Mbrojtjes.
Siç raporton AP News, transmeton Klankosova.tv, ministria njoftoi në rrjetet sociale se avioni C-130 ishte ngritur nga Azerbajxhani dhe po kthehej në Turqi.
Ende nuk dihet se sa anëtarë të ekuipazhit ishin në bord. Një operacion kërkim-shpëtimi është nisur në koordinim me autoritetet azerbajxhanase dhe gjeorgjiane, tha ministria.
Avionët ushtarakë të mallrave C-130 përdoren gjerësisht nga Forcat e Armatosura Turke për transportin e personelit dhe operacionet logjistike. Turqia dhe Azerbajxhani mbajnë bashkëpunim të ngushtë ushtarak.
