Presidenti Donald Trump ka reaguar pas përplasjes në ajër midis një helikopteri të ushtrisë amerikane dhe aeroplanit të pasagjerëve të American Airlines, incident i cili ka lënë pas mbi 18 viktima.
Ai tha se ky incident ishte një “situatë e keqe që duhej të ishte parandaluar”.
“Aeroplani ishte në një linjë të përsosur dhe rutinë afrimi drejt aeroportit. Helikopteri po shkonte drejt në aeroplan për një periudhë të gjatë kohore. Është një natë e kthjellët, dritat në aeroplan po flakërojnë, pse helikopteri nuk u ngjit, as nuk u ul, as u kthye. Pse kulla e kontrollit nuk i tha helikopterit se çfarë të bënte në vend që të pyeste nëse e panë aeroplanin”, shkroi Trump në platformën e tij “Truth Social”.
Një operacion masiv kërkimi është duke u zhvilluar pas inicidentit.
Aeroporti do të jetë i mbyllur të paktën deri në orën 11:00 të mëngjesit të së enjtes, thanë zyrtarët e aeroportit.
Aeroplani, American Airlines Flight 5342 me 60 pasagjerë dhe katër anëtarë të ekuipazhit në bord, ishte nisur nga Wichita, Kansas, sipas linjës ajrore, shkruan abcnews.al. Tre ushtarë ishin në bordin e helikopterit, i cili ishte në një fluturim stërvitor, thonë zyrtarët.
