Rusia ka lëshuar një raketë balistike ndërkontinentale nga rajoni i Astrakhanit kundër Ukrainës. Kjo njoftohet nga Forcat Ajrore të Ukrainës. Sipas të njëjtit njoftim në valën e sulmit të ndodhur mes orës 5 dhe 7 të mëngjesit të sotëm, objektivi ishte zona e Dnipros.
Përveç raketës balistike ndërkontinentale Kh-47M2 Kinzhal, forcat ruse kanë lëshuar edhe shtatë raketa lundrimi Kh-101.
Raketa balistike u lëshua nga një luftëtar MiG-31K dhe raketat e mbetura nga një bombardues Tu-95MS.
Sipas forcave ajrore ukrainase, sistemet kundërajrore të Ukrainës shkatërruan gjashtë nga raketat Kh-101, ndërsa pjesa tjetër e raketave u raportua se nuk shkaktuan dëme të mëdha.
Ky intensifikim i sulmeve ruse vjen pasi ukrainasit nisën të përdorin raketa me rreze të mesme dhe të gjatë veprimi në intervale të rregullta gjatë ditës, duke goditur provinca të ndryshme ruse, shkruan A2CNN.Që nga e shtuna e kaluar dhe miratimi i SHBA-së dhe brenda më shumë se pesë ditëve, forcat ukrainase kanë shënjestruar dhe nisur sulmet duke përdorur zyrtarisht 6 ATACMS (një fakt i konfirmuar edhe nga Ministria e Mbrojtjes Ruse) dhe të paktën 10 Shadows Storm në dy provinca të ndryshme – Kursk dhe Krasnodar.
