Ditën e sotme ushtria ruse ka ndërmarrë një sulm të gjerë raketor në të gjithë Ukrainën, duke synuar infrastrukturën e saj energjitike.
Sipas mediave të huaja, Kompania më e madhe private e energjisë në Ukrainë, DTEK, ka thënë se ky është sulmi i 13-të ndaj infrastrukturës energjitike.
Po ashtu mësohet se nga sulmet ruse kanë mbetur të plagosur disa persona në Ukrainë.
Ndërkohë Presidenti ukrainas Volodymyr Zelensky sapo i është përgjigjur sulmit të Rusisë në ditën e Krishtlindjes:
“Çdo goditje masive ruse kërkon kohë për t’u përgatitur. Nuk është kurrë një vendim spontan. Është një zgjedhje e ndërgjegjshme jo vetëm e objektivave, por edhe e kohës dhe datës.
Sot, Putini zgjodhi qëllimisht Krishtlindjet për një sulm. Çfarë mund të ishte më ç’njerëzore? Më shumë se 70 raketa, duke përfshirë ato balistike, dhe më shumë se 100 drone sulmuese. Objektivat janë sektori ynë i energjisë. Ata vazhdojnë të luftojnë për një ndërprerje të energjisë në Ukrainë.
Sipas të dhënave paraprake, mbrojtësit tanë arritën të rrëzojnë më shumë se 50 raketa dhe një pjesë të konsiderueshme të dronëve. Fatkeqësisht, ka goditje. Deri më tani, ka ndërprerje në disa rajone. Punonjësit e energjisë po punojnë për të rivendosur furnizimin me energji elektrike sa më shpejt të jetë e mundur , shkruan A2 CNN.Faleminderit të gjithëve që aktualisht po punojnë për vendin, që është në detyrë luftarake, që po mbron qiellin tonë. Le të rivendosim maksimumin. E keqja ruse nuk do ta thyejë Ukrainën dhe nuk do të shtrembërojë Krishtlindjet”, është shprehur Zelensky.
