Me 18 gola dhe 14 asistime në të gjitha kompeticionet, Mohamed Salah po kalon një pjesë të parë të sezonit jashtëzakonisht mbresëlënëse.
Pasi mungoi në ndeshjen e Carabao Cup, sulmuesi egjiptian u rikthye fuqishëm duke realizuar një dopietë të shkëlqyer kundër Tottenhamit, të mposhtur me rezultatin e thellë 6-3. Pas ndeshjes, ai foli për ‘Sky Sports UK’ për të komentuar mbi rezultatin:
“Luajtëm mjaft mirë në sulm, por si skuadër duhet të përmirësohemi në mbrojtje. Të pësosh tre gola është diçka e vështirë… por gjithsesi është një rezultat i mirë, shpresojmë të vazhdojmë kështu.
E prisnim një ndeshje të tillë. Mënyra se si luajnë, hapin lojën, argëtohen, janë fizikisht shumë të fortë. Prandaj duhej të ishim gjithmonë të përqendruar mendërisht. Stili i tyre i lojës është shumë intensiv. Manchester City erdhi këtu dhe pati vështirësi, ashtu si dhe shumë skuadra të tjera. Jam i lumtur që fituam, sepse ata luajnë një futboll të tillë.”
Për arritjen e tij si lojtari i parë në histori që realizon 10 gola dhe 10 asistime në Premier League para Krishtlindjeve, deklaroi:
“Nuk e kisha menduar para ndeshjes, por jam i lumtur që e arrita. Është diçka për të cilën jam krenar, do të vazhdoj të punoj shumë.”
Për faktin se tashmë është golashënuesi i katërt më i mirë në historinë e Liverpoolit:
“Është fantastike të arrish këtë arritje në një klub kaq të madh, por gjëja më e rëndësishme është që fituam ndeshjen. Kudo që të përfundoj karrierën time, jam i lumtur për këtë.”s.n.
