Politikani serb, Nikolla Sandulloviq thotë se jeta e tij është në rrezik. Ai i ka kërkuar komunitetit ndërkombëtar ndërhyrje dhe mbrojtje të menjëhershme, para siç thotë ai, të jetë shumë vonë.
Sandulloviq thotë se presidenti serb Aleksandar Vuçiq, përmes Informer, medias që e kontrollon dhe që punon në shërbim të tij, në një farë forme kanë kërkuar hapur likuidimin e tij.
“Në Serbi, përmes medias kryesore të regjimit “Informer”, në pronësi të Dragan Vuçiqeviq, bashkëpunëtor i ngushtë i Milan Radoiçiqit dhe Aleksandar Vuçiqit, po kërkohet likuidimi i hapur i meje, Boban Bogdanoviqit dhe Jova Bakiqit. Të gjithë ne akuzohemi rrejshëm se kemi vënë në rrezik jetën dhe sigurinë e Aleksandër Vuçiqit, duke na lidhur rrejshëm me një grup të caktuar kriminal që është në konflikt të drejtpërdrejtë interesi me Aleksandar Vuçiqin dhe me të cilin askush nga ne nuk ka pasur kontakte! Ne jemi renditur si objektiva, duke thënë në tekst se jemi avokatë të Kosovës së pavarur, se ne e njohim gjenocidin në #Srebrenicë, se ne duam të bashkohemi me BE dhe NATO , dhe se ne jemi avokatë të politikës amerikane në Serbi”, shprehet Sandulloviq.