Dogana e Kosovës njofton se në fshatin Novak të Prizrenit ka sekuestruar 32,850 litra verë dhe 2,350 litra raki rrushi të prodhuara pa autorizim të nevojshëm.
Sipas njoftimit është bërë e ditur se pijet alkoolike të konstatuara në depon e pa autorizuar nga Dogana e Kosovës për prodhim dhe mbajtje janë pllombuara.
‘’Njësit e Doganës së Kosovës pas sigurimit të informatave se në fshatin Novak të Prizrenit është duke u realizuar prodhim i pijeve alkoolike pa autorizim, kanë organizuar një aksion me qëllim verifikimin e kompanisë së dyshuar. Njësit e Doganës së Kosovës pas bastisjes ne lokacionin e dyshuar në fshatin Novak, kanë gjetur sasinë 32,850.00 litra verë dhe 2,350.00 litra raki rrushi të prodhuara pa autorizim të nevojshëm e cila ishte në pronësi të kompanisë së dyshuar. Pijet alkoolike të konstatuara në depon e pa autorizuar nga Dogana e Kosovës për prodhim dhe mbajtje janë pllombuara, derisa sasia e gjetur është si në vijim: – Verë e kuqe e prodhuar ne vitin 2021, Merlot 14% alk., sasia 5,000.00 litra;- Verë e kuqe e prodhuar ne vitin 2021, Cabernet Sauvignon 14% alk., sasia 7,000.00 litra;- Raki rrushi 2021, 43% alk., sasia 2,150.00 litra;- Verë e kuqe e prodhuar ne vitin 2022, Merlot 13% alk., sasia 5,000.00 litra;- Verë e kuqe e prodhuar ne vitin 2022, Cabernet Sauvignon 12.5% alk, sasia 15,850.00 litra;- Raki rrushi 2022, 45% alk., sasia 200.00 litra;- Mbetje te verës, sasia 200.00 litra;’’, thuhet në njoftimin e Doganës së Kosovës.
Për mallin e konstatuar dhe të ndaluar si më sipër, taksat e akcizës arrin në vlerën rreth 30.000 mijë euro, është bërë e ditur më tutje.
