Serbët edhe rusët janë bërë bashkë për homazhe për pjesëmarrësit e Luftës së Dytë Botërore. Edhe në këtë aktivitet sikur në disa të tjera nuk kanë lënë pa dërguar mesazhe.
Kryetari i Nderit i “Besmrtni puk”, (Luftëtarët e pavdekshëm), ministri pa portofol Nenad Popoviç, vuri kurorë me lule në Monumentin e Çlirimtarëve të Beogradit dhe tha se “miqësia dhe vëllazëria shekullore janë edhe sot baza mbi të cilat marrëdhëniet e partneritetit strategjik të Serbisë dhe Rusia janë të bazuara. Si sot, serbët dhe rusët kanë qëndruar krah për krah në luftën kundër armiqve të përbashkët me shekuj”, theksoi Popoviq.
“Populli pa kujtesë është popull pa ardhmëri, ndërsa populli serb nuk guxon kurrë të harrojë mijëra ushtarë që kanë rënë për çlirimin e Beogradit hijet e të cilëve pushojnë në vendin tonë”.
Ndryshe qytetarët e mbledhur nga Lëvizja “Besmrtni puk”( Luftëtarët e pavdekshëm) organizuan një manifestim ku iu bë homazh pjesëmarrësve të Luftës së Dytë Botërore dhe pak pas mesditës filluan një shëtitje nga Monumenti i Çlirimtarëve të Beogradit në vitin 1944 drejt Sheshit të Republikës, ku festa e çlirimit të kryeqytetit do të vazhdojë, raportojnë mediat në Serbi.
Marshimi u drejtua nga Presidenti i Nderit i Fondacionit “Besmrtni Puk” dhe ministri Nenad Popoviç, Zëvendëskryeministri Aleksandar Vulin, Ministrja e Mbrojtjes së Mjedisit Irena Vujoviq, Zëvendëskryetari i Këshillit të Federatës Ruse Konstantin Kosaçov, Zëvendës Presidenti i Shtetit të Dumas’ Petar Tolstoj dhe ambasadori i Federatës Ruse në Serbi Aleksandar Bocan-Kharçenko.
Përpara kolonës janë mbi dhjetëra motoçiklistë që i përkasin shoqatës “Ujqërit e natës” nga Novi Sadi, si dhe një kamion me sistem zëri nga i cili transmetohen këngë ruse.
Marshi pasoi ceremoninë shtetërore të vendosjes së kurorave në kompleksin memorial “Varrezat e Çlirimtarëve të Beogradit”, nga ku të mbledhurit u drejtuan drejt Sheshit të Republikës.
Popoviq u tha gazetarëve se marshi i sotëm mblodhi më së shumti pjesëmarrës deri më tani.
“Nuk ka pasur kurrë një gatishmëri të tillë nga “Besmrtni puk’”. Por për këtë kontribuan të gjitha ngjarjet që ndodhën pranë “Besmrtni puk”, dhe ekspozita që presidenti serb Aleksandar Vuçiq hapi pikërisht në ndërtesën e Presidencës, dhe konferenca e madhe dhe ardhja e miqve tanë rusë, populli e ndjeu këtë”, tha Popoviq.
Në Sheshin e Republikës është planifikuar një program muzikor dhe skenik me interpretues serbë dhe rusë.
Në homazh, përveç zyrtarëve shtetërorë, ishin edhe qytetarë dhe anëtarë të Shoqatës së Kozakëve me kostume tradicionale.
“Besmrtni puk” është një lëvizje ndërkombëtare për të ruajtur kujtesën e brezave nga Lufta e Dytë Botërore dhe pjesëmarrësit e marshimit të Ditës së Fitores ecin nëpër rrugët e qyteteve me foto të të afërmve të tyre – veteranëve të ushtrisë dhe marinës, partizanëve, luftëtarëve të rezistencës, të burgosurve të kampeve të përqendrimit.
Fondacioni “Besmrtni Buk”, i cili u krijua nga Fondacioni “Shën Aleksandër Nevski” për ruajtjen e trashëgimisë kulturore dhe historike dhe restaurimin e monumenteve të kulturës, dhe departamenti serb i Fondit Ndërkombëtar për Unitetin Shpirtëror të Kombeve është i regjistruar në Serbi. Të tri organizatat drejtohen nga serbët dhe rusët.rtk.
