Shqiptarët në Luginën e Preshevës po vazhdojnë të përballen me vështirësi në marrjen e dokumenteve personale.
Kryetarja e Komunës së Preshevës, Ardita Sinani, ka bërë të ditur se risitë që po aplikohen në stacionet policore, sidomos në Preshevë, po ua pamundësojnë qytetarëve të pajisen me letërnjoftime, patentë shoferë dhe dokumente të tjera.
Sipas saj, në rastet kur qytetarët nuk kanë të deklaruar numrin e saktë të shtëpisë në adresë, gjë që ndodh shpesh pasi shumë prej shtëpive nuk kanë fare numra, atyre po u bëhet e pamundur marrja e dokumenteve.
Sinani ka theksuar në emisionin “Ora 7” në Klan Kosova, se kjo praktikë po e përjashton një pjesë të madhe të tyre nga të drejtat bazike.
