Serbia dhe Rusia kanë hapur dyert për një bashkëpunim tjetër të hënën në Beograd. Këto dy shtetet kanë nënshkruar një memorandum ndërmjet ministrive të Shëndetësisë.
Memorandumi paralajmëron forcimin e bashkëpunimit në mes të dy sistemeve shëndetësore në fushat e organizimit dhe menaxhimit, parandalimit të sëmundjeve jo ngjitëse, parandalimit dhe kontrollit të sëmundjeve infektive, mbrojtjes së shëndetit të nënës dhe fëmijës, oftalmologjisë, ortopedisë, onkologjisë, kardiologjisë.
Ministri i Shëndetësisë i Federatës Ruse, Mihail Murashko, ka thënë se bashkëpunimi ndërmjet Serbisë dhe Rusisë ndër të tjera mundëson shkëmbimin e njohurive.
Ministrja serbe e Shëndetësisë, Danica Grujiçiq është e pesta në listën e agjentëve të Putinit në Serbi, e cila përpilohet dhe përditësohet vazhdimisht nga Ekipi Anti-Hibrid për Identifikimin e Agjentëve të Putinit në Republikën e Serbisë (TIPARS) të Aleancës për Lirinë e Serbisë së Lirë – Grupi Oktobar. Lista e deritanishme përfshin 67 persona nga jeta politike, mediatike dhe publike në Serbi. /The Geopost
