Instituti i Psikiatrisë Forenzike në QKUK po përballet me sfida të ndryshme, një ndër to është mungesa e shtretërve. Si pasojë e kësaj numri i pacientëve në këtë Institut është i kufizuar, derisa ka listë të pritjes.
Ky institut ua plotëson të gjitha kushtet vetëm 36 pacientëve jo më shumë.
Kjo meqë po përballen me mungesë të shtretërve, hapsirës dhe infermierëve.
Shpend Haxhibeqiri drejtor në këtë Institut thotë se mungon edhe reparti për gra.
“Momentalisht sfida e vetme është mungesa e shtretërve e vendeve të lira me 12 shtretër kemi sfidë të vështirë, nuk kemi repart të femrave, fëmijëve dhe adoloshentëve është etike dhe humane për trajtimin adekuat… kemi mungesë të hapësirës, dhe mungesë të infermierëve…”, ka thënë ai.
E si pasojë e këtyre ky institut ka edhe listë të pritjes.
“Nga viti 2019 në asnjë kohë nuk kemi qenë me asnjë vend të lirë por kemi qenë me zëvëndësime kemi listë të pritjes…”
E për këta persona të dërguar me urdhër të gjykatave, Haxhibeqiri tregon periudhën kohore se sa qëndrojnë në këtë Institut.
Koha e qëndrimit të këtyre pacientëve tek ne është diku rreth 9 muaj qëndrimi në këto dy reparte ndërsa në repartin e parë i cili është në sherbimin e gjykatave aty pacienti prej 4-5 javë varësisht se sa i duhet ekspertëve për ekzaminim, varësisht nga rëndesa e lëndës nëse është dhunim, vrasje, dhunë familje koha është më ndryshe.
Sipas tij, nga viti 2019 deri më tani në këtë Institut morën trajtime të detyrueshme me ndalim rreth 600 pacientë.