Shtetet e Bashkuara, Egjipti dhe Katari kanë lëshuar një deklaratë të përbashkët, duke u bërë thirrje Izraelit dhe Hamasit që t`i rifillojnë negociatat për armëpushim dhe marrëveshje për lirimin e pengjeve.
Deklarata nga SHBA, Egjipti dhe Katari thotë se të tri vendet kishin krijuar një “marrëveshje kuadër” që kishte “vetëm detajet e zbatimit të mbetura për të përfunduar”.
Izraeli tha se do të dërgonte negociatorë në bisedimet e propozuara, të cilat do të pritet të mbahen më 15 gusht në Doha ose Kajro. Hamasi nuk u përgjigj menjëherë.
Shtytja e përtërirë diplomatike do të shihet si një përpjekje për të ndaluar tensionet rajonale të dalin jashtë kontrollit, pasi lideri i Hamasit Ismail Haniyeh u vra javën e kaluar. Irani, duke fajësuar Izraelin, është zotuar për një përgjigje – megjithëse Izraeli nuk ka komentuar drejtpërdrejt për vrasjen.
Deklarata u nënshkrua nga presidenti amerikan Joe Biden, presidenti egjiptian Abdel Fattah el-Sisi dhe emiri i Katarit Sheikh Tamim bin Hamad Al Thani.
Në dekratatë thuhet se marrëveshja kornizë bazohej në “parimet” e përshkruara më parë nga Presidenti Biden më 31 maj – që do të fillonte me një armëpushim të plotë dhe lirimin e një numri pengjesh – dhe të miratuara nga Këshilli i Sigurimit i OKB-së.
Sekretari amerikan i Mbrojtjes Lloyd Austin tha në një deklaratë të enjten në mbrëmje se kishte folur me ministrin izraelit të Mbrojtjes Yoav Gallant për ta informuar atë mbi ndryshimet në forcat amerikane në rajon dhe “për të forcuar mbështetjen time të hekurt për mbrojtjen e Izraelit”. Pavarësisht raundeve të shumta bisedimesh, sfida e arritjes së një armëpushimi dhe marrëveshjes për lirimin e pengjeve deri më tani ka rezultuar e pasukseshme.
Hamasi po shtyn për një armëpushim, por kryeministri izraelit Benjamin Netanyahu ka thënë se konflikti mund të ndalet vetëm pasi Hamasi të mposhtet.
Të enjten, Izraeli vazhdoi bombardimin e Rripit të Gazës. Forca e mbrojtjes civile të Gazës, e drejtuar nga Hamasi, tha se goditi dy shkolla, duke vrarë më shumë se 18 njerëz. Ushtria izraelite tha se kishte goditur qendrat komanduese të Hamasit.
Çdo bisedë e propozuar mund të bëhet edhe më e vështirë nga vendimi i Hamasit për të zgjedhur Yahya Sinwar si udhëheqësin e ri, duke zëvendësuar Haniyeh, shkruan rtk.Sinwar, të cilin Izraeli e konsideron përgjegjës për planifikimin dhe ekzekutimin e sulmeve të 7 tetorit, shihet si një nga figurat më ekstreme të grupit.
