Ministri i Bujqësisë, Pylltarisë dhe Zhvillimit Rural, Faton Peci, bën të ditur se Shkalla e Dytë e Gjykatës Komerciale e ka hedhur poshtë vendimin e Shkallës së Parë, për shtyrjen e ekzekutimit të vendimit për mbylljen e pompës së derivateve “Patroni”, përcjell Kosova Post.
Kështu Shkalla e Dytë e Gjykatës ka vendosur në favor të Ministrisë.
Ndërsa bëri të ditur për vendimin e gjykatës, ministri Peci tha se atë lokacion do të ndërtohet objekti i ri i Ministrisë së Bujqësisë, Pylltarisë dhe Zhvillimit Rural dhe Agjencive vartëse në mënyrë që të plotësohen kushtet për akreditimin në IPARD.
Për më tepër ministri thekson se do të mbetet i përkushtuar dhe i vendosur në angazhimin tim si deri në rikthim të pronës në Ulpianë dhe pastrimin e gjendjes në Stankaj të Pejës!
“ Pa pardon karshi abuzimit me pronën shtetërore!”, u shpreh ministri Peci.
Postimi i plotë i ministrit Peci në Facebook:
Fitorja e radhës kundër zhvatësve!
E përshëndes vendimin e Shkallës së dytë të Gjykatës Komerciale, i cili hedh poshtë vendimin amatoresk e jo-profesional të shkallës së parë karshi kontestit për lirimin e pronës së Ministrisë së Bujqësisë e cila po shfrytëzohet pa marrëveshje kontraktuale nga operatori ekonomik “Patroni”!
Sikurse edhe kemi paralajmëruar, në atë lokacion do të ndërtohet objekti i ri i Ministrisë së Bujqësisë, Pylltarisë dhe Zhvillimit Rural dhe Agjencive vartëse në mënyrë që t’i plotësojmë kushtet për akreditimin në IPARD.
Mbetem i përkushtuar dhe i vendosur në angazhimin tim si Ministër deri në rikthim të pronës në Ulpianë dhe pastrimin e gjendjes në Stankaj të Pejës!
Pa pardon karshi abuzimit me pronën shtetërore!
Me drejtësi dhe ndershmëri!
#guximshëmpërpara
