Avokati shqiptar, Spartak Ngjela ka bërë një analizë në lidhje me shtetet shqiptare dhe bashkimin e trojeve shqiptare.
Ai potencoi se shumë shtete evropiane kanë kaluar nëpër procese të bashkimit kombëtar, derisa tha se tani është radha e Shqipërisë.
Ngjela tha se janë rreth nëntë milionë shqiptarë: tre milionë në Shqipëri, dy milionë në Kosovë, janë një milionë e gjysmë shqiptarë në Maqedoninë e Veriut, janë mbi dy milionë shqiptarë në Epirin e Jugut dhe në Çamëri – nga Janina e deri në Prevezë.
Krahas kësaj, avokati paralajmëroi se “Shqipëria etnike” do të vijë shumë shpejt.
“Por ajo, Shqipëria etnike, është duke ardhur. Dhe bashkimi etnik i shqiptarisë në një federatë prej katër shtetesh shqiptare, do të vijë, sepse sot kjo është pak çështje e një kohe të shkurtër.
Kjo popullsi shqiptare, prej nëntë milionë banorësh, është një interesi madh i politikës së Bashkimit Evropian… Por, edhe i Shteteve të Bashkuara të Amerikës”, nënvizoi Ngjela, përcjell “Bota sot”.
Postimi i plotë në Facebook:
Vjen një kohë në historinë e një kombi të copëtuar territorialisht, në tre apo katër shtete të tjera, kur historia, pasi e ka forcuar këtë komb, e thërret atë për bashkimin e tij kombëtar.
Janë të shumtë shtetet e Evropës që kanë kaluar nëpër procese të tilla bashkimi.
Por tani është radha dhe koha e Shqipërisë, e cila duhet të bëhet qendra e bashkimit të shqiptarisë.
Dhe shqiptaria sot, në Gadishullin Ilitik, është rreth nëntë milionë shqiptarë: janë tre milionë në Shqipëri, dy milionë në Kosovë, janë një milionë e gjysmë shqiptarë në Maqedoninë e Veriut, janë mbi dy milionë shqiptarë në Epirin e Jugut dhe në Çamëri – nga Janina e deri në Prevezë.
Por nuk duhet të harrojmë se sot në Turqi jetojnë më shumë se katër milionë Shqiptarë.
Por ende ne kemi një qeveri shqiptare që nuk ka lidhje me Shqipërinë etnike.
Por ajo, Shqipëria etnike, është duke ardhur. Dhe bashkimi etnik i shqiptarisë në një federatë prej katër shtetesh shqiptare, do të vijë, sepse sot kjo është pak çështje e një kohe të shkurtër.
Kjo popullsi shqiptare, prej nëntë milionë banorësh, është një interesi madh i politikës së Bashkimit Evropian… Por, edhe i Shteteve të Bashkuara të Amerikës.
Po qeveria aktuale e Shqipërisë dhe ajo e Kosovës dhe e Maqedonisë së Veriut, i dinë, dhe, a i kuptojnë këto që sapo thamë në këtë artikull?
Sigurisht që edhe qeveria e Shqipërisë dhe ajo e Kosovës, e dinë këtë që thamë, por kuptohet se ende nuk po vendosin që të jenë drejtpërsëdrejti me shqiptarinë historike që do të vijë për të dalë në skenën e historisë botërore proshqiptare.
Po politika amerikane, që po drejtohet tani nga presidenti amerikan Donald Trump, e di këtë interes kaq të madh amerikan?
Sigurisht që e di, por ajo ende nuk po del në skenën e politikës ndërkombëtare.
Për të kuptuar mirë se çfarë përfaqësojnë shqiprarët, politika amerikan duhet të studioje deri në themel historinë e Ilirisë, Arbërisë, Epirit dhe historinë e lavdishme të Aleksandrit të Madh të Maqedonisë.
Sepse, e gjithë kjo histori është drejtuar nga princat e mëdhenj të arbërit, nga Teuta e madhe e Ilirisë së bashkuar, por edhe nga Napoleon Bonaparti.
Dhe kjo është arsyeja e historisë politike dhe e rëndësisë ndërkombëtare të Arbërisë, e cila duhet të dalë sot në skenën dhe në pahun aktual të historisë.
Dhe sigurisht që do të dalë.
