Uashingtoni po heton rrjedhjen e inteligjencës shumë të klasifikuar amerikane në lidhje me planet e Izraelit për t’u hakmarrë kundër Iranit, raportoi “CNN”, duke cituar tre burime. Që dokumentet u zbuluan është thellësisht shqetësuese, tha zyrtari për “CNN”. TGë premten, në rrjetin Telegram u postuan dokumente të datës 15 dhe 16 tetor, të etiketuara si “top sekret”. Ata përshkruajnë përgatitjet e Izraelit për një sulm ndaj Iranit – ndër të tjera, ata flasin për transferimin e armëve nga Izraeli. Një dokument tjetër, që supozohet nga Agjencia e Sigurisë Kombëtare, përshkruan stërvitjet e forcave ajrore izraelite me raketa tokë-ajër, që gjithashtu besohet të jenë pjesë e përgatitjeve për një sulm ndaj Iranit.
Një nga dokumentet pretendon diçka që Izraeli gjithmonë ka refuzuar ta konfirmojë publikisht: se ata kanë armë bërthamore.
Sipas dokumentit, zyrtarët amerikanë nuk kanë parë asnjë tregues se Izraeli planifikon të përdorë armë bërthamore kundër Iranit. Rrjedhja e dokumenteve të inteligjencës erdhi në një moment jashtëzakonisht të ndjeshëm në marrëdhëniet SHBA-Izraelite, dhe me siguri do të zemërojë izraelitët, të cilët po përgatiteshin të sulmonin Iranin në përgjigje të sulmit raketor më 1 tetor. Një nga dokumentet, i titulluar “Izraeli: Forca Ajrore vazhdon përgatitjet për të goditur Iranin”, përshkruan stërvitjet e fundit që duket se kanë përsëritur elemente të një sulmi të tillë. Një dokument tjetër përshkruan se si Izraeli po ripozicionon raketat dhe armët e tjera në rast se Irani hakmerret. “CNN” raportoi më parë se zyrtarët amerikanë presin që Izraeli të hakmerret kundër Iranit përpara 5 nëntorit, kur mbahen zgjedhjet në SHBA.
