Studiuesit në Yale dhe Oxford thonë se ushtrimet fizike janë më të rëndësishme për shëndetin mendor sesa statusi ekonomik. Në studimin e publikuar në The Lancet, shkencëtarët mblodhën të dhëna për sjelljen fizike dhe disponimin mendor të mbi 1.2 milionë amerikanëve.
Ata që janë më aktivë priren të jenë më të lumtur në përgjithësi
Shkencëtarët zbuluan se, ndërsa ata që ushtroheshin rregullisht prireshin të ndiheshin keq për rreth 18 ditë në vit, pjesëmarrësit joaktivë ndiheshin keq mesatarisht 35 ditë më shumë. Ata zbuluan se njerëzit aktivë ndihen po aq mirë sa ata që nuk merren me sport, por që fitojnë 25,000 dollarë më shumë në vit.
Në thelb, do t’ju duhet të fitoni shumë më tepër që financat tuaja t’ju japin të njëjtin efekt që ka sporti në lumturinë tuaj. Megjithatë, kjo nuk do të thotë se sa më shumë sport të bëni, aq më i lumtur jeni.
Ushtrimi i tepërt mund të jetë i dëmshëm për shëndetin tuaj mendor
“Marrëdhënia midis kohëzgjatjes së sportit dhe ngarkesës mendore është në formë U,” tha autori i studimit Adam Chekroud nga Universiteti Yale në një intervistë me Die welt. Studimi zbuloi se aktiviteti fizik kontribuon në mirëqenien më të mirë mendore vetëm kur kryhet brenda një kohe të caktuar.
Sipas studimit, tre deri në pesë seanca stërvitore që zgjasin secila nga 30 deri në 60 minuta në javë janë ideale. Megjithatë, më shumë se kjo mund të ketë efektin e kundërt. Shkencëtarët vunë re gjithashtu se disa sporte si p.sh. sportet ekipore mund të kenë më shumë një efekt pozitiv në shëndetin tuaj mendor sesa të tjerët.s.n.
