Një avion spiun rus u zbuluan mbi Detin Baltik nga avionë luftarakë gjermanë dhe suedezë, raportoi NATO.
Sipas aleancës, dy avionë, një JAS Gripen suedez dhe një Eurofighter Typhoon gjerman, u ngritën nga bazat e tyre përkatëse për të identifikuar dhe shoqëruar një Ilyushin Il-20 rus, i cili po fluturonte në zonën mbi Detin Baltik.
Forcat e Armatosura Suedeze, të njohura si Försvarsmakten, sqaruan se avioni suedez kaloi mbi Bornholm, një ishull i vogël në Detin Baltik që i përket Danimarkës, për të interceptuar avionin rus.
Forca ajrore gjermane, Luftwaffe, gjithashtu konfirmoi se avioni rus po fluturonte “pa një plan fluturimi dhe transponder,” dhe sqaroi se Eurofighter-i i saj u nis nga një bazë e NATO-s në Letoni
Aktualisht, nuk dihet me saktësi qëllimi i avionit rus Il-20 mbi Detin Baltik. Ky avion njihet për aftësitë e tij të avancuara për kapjen e sinjaleve dhe teknologjinë për transmetim informacioni në kohë reale. Për më tepër, ai është i pajisur me kamera të mëdha dhe antena që mundësojnë transmetim të shpejtë të të dhënave , shkruan A2.Në fillim të vitit të kaluar, Luftwaffe raportoi një tjetër rast të ngjashëm në Baltik. Në atë kohë, avioni rus kishte ndryshuar disa herë drejtimin në mënyrë të paparashikueshme
