Reali i Madridit ka bërë gjysmën e punës në “play-off” në Ligën e Kampioneve, teksa fitoi ndeshjen e vajtjes në Mançester kundër Cityt (2-3).
Ndaj sonte në mbrëmje do të kërkojë që para publikut të vet të sigurojë kualifikimin për në 16 më të mirët e kompeticionit, kurorën e të cilit mban.
Dhe të gjitha shifrat flasin për ekipin e Ançelotit, me Realin që nuk është eliminuar kurrë ndaj një rivali anglez në epokën e Ligës së Kampioneve kur ka luajtur takimin e kthimit në “Santiago Bernabéu”.
Ajo natë legjendare e 5 nëntorit 1975, me një dyshe nga Roberto Martinez dhe Karlos Santiljana dhe goli i penalltisë nga Hoze Martinez “Pirri”, presidenti aktual i nderit i klubit, shënoi një ndryshim rrënjësor të pamjes. Herën tjetër që ata u përballën me një ekip anglez në Madrid ishte në çerekfinalet e Kupës UEFA 1984–85. Ata u përballën me Totenhemin që e kishin mundur në Londër 1-0 me një autogol të Perriman. Reali i Madridit do të përfundonte duke fituar trofeun, duke mposhtur në finale ekipin hungarez Videoton.
Ishte titulli i parë në këtë turne. Që atëherë, tashmë nën emrin e Champions League, skuadra madrilene është kualifikuar gjithmonë kur ka luajtur ndeshjen e dytë në “Bernabéu”, megjithëse nuk ka qenë kurrë e lehtë dhe, si në sezonin e paharrueshëm 2021-22, kur iu deshën dy netë magjike për të hequr qafe fillimisht Çelsin dhe më pas Mançester Sitin në rrugën drejt titullit. Blutë (Çelsi), të cilët kishin humbur 3-1 në “Stamford Bridge” përballë Madridit, përmbysën gjithçka në Madrid dhe gjendeshin në avantazh 3-0 në minutën e 75- të falë golave të Maunt, Rydiger (tani Real) dhe Timo Verner.
Me Realin që dukej i eliminuar, braziliani Rodrigo Goesh e çoi takimin në kohën shtesë, në të cilën Karim Benzema shënoi golin e 2-3 që i dha biletën për në gjysmëfinale skuadrës së Ançelotit. Nëse frika në çerekfinale ishte e madhe, ajo ishte edhe më e madhe në një tjetër ndeshje të pabesueshme, atë kundër Sitit të Pep Guardiolës në gjysmëfinale. Pas një fitoreje 4-3 spektakolare në “Etihad”, skuadra angleze praktikisht e kishte mbyllur ndeshjen me golin e algjerianit Rijad Mahrez në minutën e 75-të dhe me epërsi të madhe.
Por Siti nuk e “vrau” ndeshjen dhe mrekullia e Realit erdhi me një dygolësh të Rodrigos në momentet e fundit që çuan në një shtesë të re, në të cilën Benzema gjithashtu, nga penalltia, vulosi fitoren 3-1 që e çoi Madridin në finale të fituar kundër Liverpulit.
Gjatë historisë, Madridi ka kaluar gjithmonë në raundin tjetër pasi ka fituar ndeshjen e parë jashtë shtëpisë, përveç dy rasteve, në raundin e 16-të të Kupës UEFA 1994-95 kundër Odense (Danimarkë), të cilën e mundën 2-3 dhe e humbën në shtëpi 0-2; dhe në të njëjtin raund por në Champions 2018-19 kundër Ajaksit, të cilin e mundën 1-2 në Amsterdam dhe humbën në “Bernabéu” 1-4. Nga ana tjetër, ndeshja e kësaj të mërkure do të jetë takimi i katërmbëdhjetë mes Realit të Madridit dhe Mançester Sitit, syri.net. i cili ka një rekord absolutisht të balancuar: katër fitore për secilën dhe pesë barazime.
