Donald Trump ka akuzuar presidentin ukrainas Volodymyr Zelensky për fillimin e luftës me Rusinë, një ditë pasi një sulm masiv rus në qytetin ukrainas të Sumy la të vrarë 35 persona dhe të plagosur 117 të tjerë.
Në një deklaratë, Trump theksoi se Zelensky dhe presidenti rus Vladimir Putin janë të dy përgjegjës për “miliona njerëz të vdekur” në luftën e vazhdueshme në Ukrainë. Ai shtoi se, nëse Joe Biden do të ishte “kompetent” dhe Zelensky do të kishte treguar aftësi të duhur, kjo luftë nuk do të kishte shpërthyer.
Trump u shpreh në një intervistë me presidentin e El Salvadorit, Nayib Bukele, duke kritikuar mënyrën se si Ukraina nisi luftën kundër një shteti që e kalon shumë herë në forcë ushtarake.
“Gabimi ishte lejimi i luftës. Ju nuk filloni një luftë kundër dikujt që është 20 herë madhësia juaj dhe pastaj shpresoni që njerëzit t’ju japin disa raketa,” tha Trump, shkruan euronews.al.Komentet e tij vijnë pas një sulmi të rëndë rus në qytetin Sumy, që u konsiderua si sulmi më vdekjeprurës rus ndaj civilëve këtë vit, duke shkaktuar zemërim të gjerë ndërkombëtar.
