Ministri i Punëve të Brendshme, Xhelal Sveçla bashkë me kryeministrin Albin Kurti dhe me ministrat nga kabineti qeveritar kanë prezantuar sonte në Ferizaj progresin e Qeverisë Kurti 2, përcjell KosovaPost.
Sipas Sveçles sukseset e qeverisë po jehojnë cep më cep Kosovës.
“Bashkë me Kryeministrin Albin Kurti dhe kolegë ministra nga kabineti qeveritar prezantuam sonte në Ferizaj progresin e Qeverisë Kurti 2 të arritur gjithandej Republikës sonë. Sukseset e qeverisë sonë po jehojnë cep më cep Republikës sonë, ashtu siç do jehojë fitorja e madhe e Lëvizjes me 9 shkurt. 500 mijë zemra do të përbashkohen rreth numrit fitues 118”, shkroi ministri në Facebook.
