Disa nga ngjarjet, njerëzit dhe datat më me ndikim në historinë botërore që kanë shënuar ditën e sotme, 4 janar, shkruan Kosova Post.
4 Janari është dita e 4-t e vitit e kalendarit, dhe deri në fund të vitit janë edhe 361 ditë.
4 janar 1969 – Hyri në fuqi Konventa Ndërkombëtare për Eliminimin e të Gjitha Formave të Diskriminimit Racor (ICERD), nënshkruar në vitin 1995. Për zbatimin e konventës në fjalë u ngrit Komiteti për Eliminimin e Diskriminimit Racor (CERD), një organ 18-anëtarësh i Organizatës së Kombeve të Bashkuara. Turqia e firmosi këtë konventë në vitin 1972 dhe e miratoi atë në 2001-shin.
4 janar 1990 – Provinca juglindore Sindh e Pakistanit u trondit nga një prej aksidenteve hekurudhore më të rënda të historisë së vendit. Një tren pasagjerësh u përplas me një tren mallrash duke shkaktuar vdekjen e 307 njerëzve.
4 janar 2006 – Kryeministri i Izraelit, Ariel Sharon, i njohur nga palestinezët me epitetin “Kasapi” për shkak të masakrës në kampet e refugjatëve Sabra dhe Shatilla, pësoi hemorragji cerebrale dhe ra në komë. Kjo masakër në kryeqytetin Bejrut të Libanit u mori jetën qindra njerëzve, shumica palestinezë, përfshi këtu gra e fëmijë. Sharoni, shkaktar i Intifadës 2. me vizitën e vitit 2000 në Jerusalem dhe sidomos në Xhaminë Al-Aksa, është gjithashtu “shpikësi” i murit që ndan në dy pjesë territoret palestineze. Ai vdiq më 11 janar 2014, pas 8 viteve në komë.
4 janar 2010 – Përfundoi në Dubai ndërtimi i qiellgërvishtësit 830 m të lartë “Burj Khalifa”, i cili u bë objekti më i lartë në botë duke lënë pas Kullën e Shangait (Shanghai Tower).
1958 – Sateliti artificial sovjetik Sputnik 1 copëtohet nga ndeshja me atmosferën
burj-khalifa-tower-dubai-photos-images-pictures-videos-11-800×600
2010 – U inaugurua Burj Khalifa, kulla më e lartë në botë me 828 metra
1785 Në Hanau, Germani, lindi Jakob Grim. Ai dhe vëllai më i ri, Wilhelm, studiuan folklorin dhe traditat gojore gjermane, dhe i botuan ato në një libër me tregime ose Përrallat e Vëllezërve Grim, ku përfshihet edhe përralla e Hirushes. Jakob Grim gjithashtu bëri kërkime të mirëfillta në gjuhë dhe krijoi parimin e njohur si “Ligji Grim” mbi ndryshimin e shqiptimit të bashktingëlloreve. Më pas Jakob (v.1863) dhe vëllai i tij, Wilhelm (1786 – 1859), ndërmorrën projektin monumental për hartimin e një fjalori të plotë të gjuhës gjermane, i cili u botua disa vite pas vdekjes së tyre.
1809 – Në Coupvray, Francë, lindi Louis Braille – Kur ishte fëmijë, Braille pësoi një aksident dhe mbeti i verbuar. Por ai e sfidoi verbimin kur si adoleshent – ende nxënës shkolle – krijoi një formë të re komunikimi që do transformonte jetën e miliona personave të verbër. Braille vdiq më 6 janar 1852, dhe Sistemi i tij i shkrimit që mund të ndihet dhe të interpretohet nga të verbërit, do të njihej gjerësisht vetëm pas vdekjes së tij. Pothuajse dy shekuj më vonë, sistemi Braille vazhdon të jetë instrument tepër i çmuar i të mësuarit dhe komunikimit për të verbërit, dhe i përshtatur për gjuhët në mbarë botën.