Emisari evropian për dialogun Kosovë-Serbi, Miroslav Lajcak, ka shkruar në llogarinë e tij në “X” për takimin që ka pasur në Kosovë me zëvendëskryeministrin kosovar, Besnik Bislimi.
Me këtë rast Lajçak theksoi se kanë pasur një bisedë të hapur dhe të detajuar për takimin e radhës të shefave të ekipeve negociatore.
Emisari sllovak bën të ditur gjithashtu se kanë biseduar edhe për Planin e Rritjes dhe për hapat e radhës në Dialog në periudhën e ardhshme.
“Mirë të kthehem në Kosovë! Pata një diskutim të hapur dhe të detajuar për takimin e radhës të kryenegociatorëve me zëvendëskryeministrin e pare Besnik Bislimi. Ne folëm edhe për Planin e Rritjes dhe hapat e ardhshëm në Dialog në periudhën e ardhshme”, shprehet emisari evropian Lajçak.
