Lamine Yamal shënoi dhe asistoi në fitoren e thellë të Barcelonës ndaj Betisit, në ndeshjen e vlefshme për 1/8 e Kupës së Mbretit të Spanjës, duke marrë përsëri shumë lavdërime nga shokët e skuadrës, veçanërisht nga Gavi.
Mesfushori shprehu admirimin e tij për paraqitjet e të riut 17-vjeçar dhe e krahasoi atë me… Messin, me humor: “Për mua, është më i miri në botë, pas Messit. Lamine është shumë i mirë, më i miri në këtë moment, por është marrëzi ta krahasosh me Messin, sepse do të ketë vetëm një Messi. Ai është unik. Ashtu siç do të ketë vetëm një Xavi, një Iniesta apo një Busquets. Ne duhet të ndjekim rrugën tonë.”
I pyetur për këto deklarata, trajneri Hansi Flick ra dakord me lojtarin e tij… në një mënyrë: “Gavi është gjithmonë shumë emocional. Jam dakord me të. Shikohet talenti i madh i Lamine. Ai është në formë të shkëlqyer. Duhet të kujdesemi për të, është shumë i ri.”
Edhe Pau Cubarsí, shoku i tij që nga të rinjtë, shprehu admirimin e tij për stilin e lojës së Lamine, duke bërë shaka me faktin që ka pasur një vend në radhën e parë gjatë këtyre viteve dhe tani, më në fund, po merr vlerësimin që meriton: “Lamine? Kam kohë që e pëlqej dhe tani të gjithë e pëlqejnë (qesh).”s.n.
