Trajneri i Barcelonës, Hansi Flick, ka dhënë të premten lavdërime të reja për një nga lojtarët kryesorë të repartit sulmues në skuadrën e tij.
Lojtari në fjalë? Lamine Yamal.
Anësori Lamine është padyshim në mesin e një sezoni të jashtëzakonshëm deri më tani.
Megjithëse është vetëm 17 vjeç, përfaqësuesi spanjoll është bërë prej kohësh një nga emrat e parë në formacionin e trajnerit Flick.
Dhe mund të thuhet se Yamal e ka shpërblyer besimin e trajnerit më shumë sesa pritej.
Në total, në 45 paraqitje në të gjitha garat gjatë sezonit 2024/25, ai ka kontribuar në 35 gola direkt, duke shkaktuar kaos në mbrojtjet kundërshtare.
Kjo paraqitje brilante nuk i ka shpëtuar aspak vëmendjes së Flick,shkruan gazeta express.Gjatë konferencës për shtyp të mbajtur të premten para ndeshjes, ai deklaroi:
“Të gjithë e dinë që Lamine Yamal është një gjeni. Në moshën 17-vjeçare, ka shumë presion mbi supe. Por ne kemi nevojë për të në nivelin e tij më të mirë.”
