Në një nga librat e nxënësve të klasës së katërt janë evidentuar disa përshkrime për të cilat komuniteti egjiptian po ndihet i ofenduar. Përfaqësuesi i këtij komuniteti thotë se nuk po duan që të quhen si komuniteti RAE por si komunitet i veçantë. Madje ai paralajmëroi padi nëse një gjë e tillë nuk bëhet.
Me përmbajtjen e njërit nga librat e klasës së katërt të shkollës fillore në Kosovë, qytetarët e pakicave në Kosovë.
Komuniteti egjiptian po kundërshton që ata të përgjithësohen me definicionin “komuniteti RAE”. Ish-deputeti i Kuvendit të Kosovës nga ky komunitet tregon arsyet pse po ndihen të ofenduar nga një gjë e tillë.
“Unë ndihem i shqetësuar se si ka mundësi një autor i një libri shkollor dhe MASHT që i trajton këto komunitete në këtë formë, i bashkon komunitetet që janë kategori kushtetuese dhe i trajton si kom rae qysh ka me kuptu një nxënës se kjush është komuniteti rae, secili ka komuntetet të vetin e pozitë të veten dhe më vjen shumë keq që fëmijët tanë edukohen në këtë formë”, ka thënë një nga qytetarët e komunitetit egjiptian në Koosvë, Veton Berisha.
Ai kërkon nga institucionet që të rishikohen edhe tekstet tjera shkollore, dhe këto gabime siç thotë ai të përmirësohen.
“Unë kërkoj urgjentisht të mblidhet organet me pa që në rast se ka edhe shkrime tjera në literaturën tjetër dhe në tërësi ky term meu zhdukë dhe komunitetet të trajtohen si të tilla për kom egjiptian duhet të trajtohet vetëm si kom egjiptian dhe kërkoj ta kenë parasysh se egjiptianët kanë komunitet në vete dhe nuk duhet të trajtohen me emra tjerë fyes e aq më pak në libra shkollorë ku nga librat shkollorë nxënësit mësojnë gabueshëm dhe rrjedhimisht ka me pas qasje raciste në raport me ne”, është shprehur Berisha.
Në të kundërtën, Berisha thotë se do t’i ndjekin të gjitha rrugët ligjore për të ushtruar padi ndaj Ministrisë së Arsimit. Ndryshe, nga ky komunitet vazhdimisht ka pasur ankesa se janë ofenduar dhe nënçmuar në mënyra të ndryshme nga shoqëria.
