Tetë persona janë u trajtuar në Klinikën Infektive, të prekur me sindromën e meningjitit. Drejtues të kësaj Klinike kanë bërë të ditur se në maj dhe korrik të këtij viti, ka pasur rritje të të prekurve me këtë virus, krahasuar me periudhën e njëjtët të vitit të kaluar. Drejtori Arben Vishaj, ka thënë se janë qytetarët duhet të kenë kujdes me ujin e pijes dhe pishinat që i frekuentojnë, pasi mos klorizimi i duhur është njëri nga shkaktarët e këtij virusi.
Në qershor dhe korrik të këtij viti mbi 60 persona janë hospitalizuar në Klinikën Infektive në QKUK, të cilët ishin prekur me virusin e meningjitit.
Ndërsa, aktualisht të shtrirë në infektivë janë tetë persona të cilët po trajtohen me këtë virus.
Drejtori i Klinikës Infektive në QKUK, Arben Vishaj, tha se krahasuar me vitet e kaluara, këtë vit ka një rritje të lehtë të rasteve me këtë virus.
Ai tutje shtoi se qytetarët duhet të bëjnë kujdes ndaj konsumit të ujit dhe vizitave në pishina.
Klinika Infektive, sipas Vishajt, aktualisht ka kapacitete të mjaftueshme për t’i trajtuar pacientët me këtë virus.
Sindroma meningjeale më së shpeshti shkaktohet nga një proces inflamator për shkak të infeksioneve bakteriale ose virale.
Përhapja e këtij infeksioni mund të bëhet nga pishinat, vendet e freskimit, kontakti dhe uji për pije.
Institucionet shëndetësore kanë bërë thirrje që të bëhet klorizimi i ujit për pije, atij për pishina.
