Ish-presidenti Hashim Thaçi nuk është deklaruar lidhur me aktakuzën e re ndaj tij, duke u shprehur se nuk ka pasur mundësi të diskutojë me avokaten e tij dhe kjo siç ka thënë, për shkak të angazhimeve që ka pasur.
Thaçi ka shtuar se deklarimin do ta bëjë me kohë dhe në përputhje me afatin ligjor e kushtetues, ndërsa u shfaq i prerë se nuk paraqet rrezik politik për askënd anise Kosova gjendet në prag të zgjedhjeve elektorale.
”E di se Kosova është në prag të zgjedhjeve të përgjithshme elektorale, por unë nuk jam pjesë e garës elektorale, unë nuk paraqes rrezik politik për askënd, prandaj kërkoj edhe sot, unë besoj dhe respektoj Kushtetutën dhe Ligjet e Kosovës”, tha Thaç, transmeton klankososova.tv.”Kërkoj edhe sot nga të gjithë kudo që jemi ulur, në secilën anë apo në çfarëdo uniforme qe jemi në këtë sallë të respektohet Kushtetua dhe Ligjet e Kosovës sepse Dhomat e Specializuar janë produkt i Kushtetutës së Republikës së Kosovës”.
