Kryeqyteti i Prishtinës njofton se nga 1 tetori 2025, transporti urban do të jetë falas për disa kategori qytetarësh dhe punonjësish, në kuadër të përpjekjeve për një qytet më të gjelbër dhe me më pak vetura.
Sipas vendimit të ri, përfitues do të jenë:
Stafi shëndetësor, përfshirë administrativin, teknikun dhe mbështetësin e të gjitha institucioneve shëndetësore të Prishtinës.
Stafi mësimor dhe administrativ, teknik dhe mbështetës i të gjitha institucioneve arsimore, duke përfshirë edhe institucionet parashkollore.
Të gjithë punonjësit e administratës së Kryeqytetit, në të gjitha nivelet, përfshirë institucionet vartëse.
Nxënësit e shkollave të mesme dhe studentët e Kryeqytetit.
Zyra për informim e Kryeqytetit thekson se kjo masë synon të lehtësojë lëvizjen e qytetarëve, të reduktojë trafikun dhe të promovojë një Prishtinë më të pastër dhe më të gjelbër.
