Türkiye ka përsëritur se nuk e njeh “aneksimin e paligjshëm të Krimesë” nga Rusia në vitin 2014.
Ministria e Punëve të Jashtme e Türkiyes tha se situata aktuale në gadishull “përbën një shkelje të ligjit ndërkombëtar”, si dhe theksoi mbështetjen për integritetin territorial dhe sovranitetin e Ukrainës.
“Ka kaluar një dekadë që kur Federata Ruse aneksoi Republikën Autonome të Krimesë të Ukrainës përmes një referendumi të paligjshëm të mbajtur më 16 mars të vitit 2014”, tha ministria turke.
Më tej, në njoftimin e ministrisë theksohet se Ankaraja do të vazhdojë “të monitorojë nga afër” zhvillimet në rajon, veçanërisht “situatën e turqve tatarë të Krimesë, një nga përbërësit kryesor të gadishullit dhe do t’i mbajë ata në krye të agjendës sonë”.
Ministria po ashtu theksoi se Türkiye “përsërit se nuk e njeh këtë situatë de fakto, e cila përbën një shkelje të ligjit ndërkombëtar dhe thekson mbështetjen e saj për integritetin territorial dhe sovranitetin e Ukrainës”, shkruan AAShkurti i vitit 2024 shënoi dy vjet që kur Rusia nisi luftën e saj kundër Ukrainës dhe gjithashtu dhjetë vjet që kur aneksoi ilegalisht gadishullin e Krimesë së Ukrainës.
