Turqia ka vendosur kufizime në eksportet e mallrave të shumta në Izrael, duke përfshirë produktet e çelikut, hekurit dhe aluminit. Kjo u njoftua nga Ministria Turke e Tregtisë, duke nënvizuar se vendimi “do të mbetet në fuqi derisa shteti hebre të shpallë një armëpushim të menjëhershëm dhe të lejojë aksesin e vazhdueshëm të ndihmës humanitare në Gaza”.
Ministria e Tregtisë njoftoi se eksportet në Izrael do të kufizohen që nga 9 prilli. Vendimi i kufizimit të Ministrisë së Tregtisë kundër Izraelit mbulon 54 grupe produktesh, nga armatura te çeliku i sheshtë, nga mermeri te qeramika.
“Numri i vëllezërve tanë palestinezë që humbën jetën është mbi 33 mijë, ndërsa numri i të plagosurve është mbi qindra mijëra, në masakrën që Izraeli po kryen pa dallim në Rripin e Gazës prej më shumë se 6 muajsh, që nga 7 tetori 2023, kundër popullit të pafajshëm palestinez dhe vendbanimeve civile. Pjesa më e madhe e tyre përbëhet nga gra dhe fëmijë. Rripi i Gazës është shkatërruar dhe ka pësuar shkatërrime të mëdha. Populli palestinez në Rripin e Gazës, po lufton me urinë dhe të gjitha llojet e varfërisë në një mënyrë të paprecedentë në epokën tonë, dhe aksesi i tyre në ushqimet më elementare, ndihmat mjekësore dhe furnizimet pengohet nga Izraeli, shkruan A2CNN. Vdekjet nga uria po shtohen dhe epidemitë po përhapen?, thuhet në njoftimin e ministrisë turke.
Që nga 7 tetori 2023, Turqia ka bërë përpjekje politike dhe diplomatike, si në arenën ndërkombëtare dhe brenda botës islame, për të ndalur konfliktet, për të parandaluar humbjet njerëzore dhe shkatërrimin fizik, për të kërkuar fillimisht një armëpushim të përhershëm dhe zgjidhje diplomatike, dhe rindërtimi i Gazës, e ka bërë në një nivel të lartë.
