Katër persona janë arrestuar në Istog, meqë dyshohet se pas një mosmarrëveshje janë rrahur mes vete, ku si pasojë njëri prej tyre ka marrë edhe lëndime trupore.
Ndërkohë, policia bën të ditur se në vendin e ngjarjes janë gjetur dy pistoleta, një gëzhojë, katër fishekë, një sëpatë dhe dy thika.
“LËNDIM I RËNDË TRUPOR & ARMËMBAJTJE PA LEJE – Istog/ 07.11.2024-10:00. Janë arrestuar katër të dyshuar meshkuj kosovarë, pasi që të njëjtit dyshohet se pas një mosmarrëveshje janë sulmuar-rrahur mes vete ku dhe si pasoj njëri prej tyre ka pësuar lëndime trupore dhe ka pranuar tretman mjekësor. Në vendin ngjarjes nga të njëjtit, si prova materiale janë gjetur dhe konfiskuar: dy pistoleta, një gëzhojë, katër fishekë, një sëpatë dhe dy thika. Të dyshuarit janë intervistuar dhe me vendim të prokurorit njëri prej tyre është dërguar në mbajtje, ndërsa të tjerët janë liruar”, thuhet në raportin e policisë.
