Familjarët e Liridona Ademajt, kanë deklaruar se presin dënim kapital ndaj tani të akuzuarve. Pas konferencës së Prokurorisë ku u njoftua për ngritjen e aktakuzës ndaj tre të dyshuarve për rastin e 30 vjeçares, vëllai i Liridona Ademajt, Leonardi ka thënë se e mirëpresin ngritjen e aktakuzës, si dhe vazhdojnë të besojnë në drejtësi për dënim kapital ndaj tani të akuzuarve.
“E mirëpresim ngritjen e aktakuzës. Pra në emër të familjes ju falendërojmë të gjithë, edhe prokurorinë dhe hetuesinë. Ne kemi besuar në drejtësi dhe vazhdojmë të besojmë. Ajo çfarë duam është që sa më shpejt gjykata të vendosë një dënim kapital që të lehtësojë zemrat tona dhe të fëmijëve të saj sadopak”, ka theksuar ai.rtk.
