Izraeli po vazhdon me operacione në rripin e Gazës, përderisa vendet perëndimore i kërcënohen Tel-Avivit me sanksione nëse Izraeli nuk ndalon ofensivën momentale në Gaza.
Forcat izraelite kanë vazhduar me operacione ajrore dhe tokësore në pjesë të ndryshme të rripit të gazës- sipas njoftimeve nga territori, gjatë natës së kaluar, si pasojë e këtyre operacioneve janë vrarë së paku 60 palestinez dhe mbi 100 të tjerë janë plagosur. Gjithashtu është njoftuar se Izraeli i ka urdhëruar banorët të largohen para fillimit të “sulmit të pa precedent” i cili pritet të fillon së shpejti.
Ndërkohë krerët e Britanisë së madhe, Francës dhe Kanadasë kanë thënë se do ti vendosin sanksione Izraelit në rast që nuk ndalon operacionet në Gaza përderisa 22 shtete tjera i kanë bërë thirrje Tel Avivit të lejon ndihmat humanitare të hyjnë në rripin e gazës ku, përveç luftimeve dhe sëmundjeve popullata civile po ballafaqohet edhe me uri pas më shumë se 80 ditëve të bllokadës- gjithashtu, më shumë se 760 OJQ dhe grupe humanitare kanë nënshkruar një peticion ku i kanë bërë thirrje botës që të thyen bllokadën humanitare dhe të lejon ndihmat të hyjnë në territor.
Por kryeministri Izraelit Benjamin Netanyahu, dukët se nuk po ndikohet nga presioni ndërkombëtar, ai deklaroi se forcat izraelite do të vazhdojnë me zbatimin e planeve të deritanishme, për marrjen e kontrollit të plotë të rripit të gazës duke shtuar se zgjerimi i mëtejmë i ofensivës tokësore është e vetmja mënyrë në të cilën Izraeli do të vazhdon në Gaza.rtk.
