Qyteti i Pejës ka qenë komuna e radhës në të cilën Lëvizja Vetëvendosje ka mbajtur tubim elektoral me gratë.
Kandidatja për deputete nga ky subjekt politik, Albulena Haxhiu, para grave pejane, duke folur për planprogramin qeverisës për katër vitet e ardhshme, tha se çështja e grave do të ketë një fokus të veçantë në ekzekutivin e ardhshëm që do të udhëhiqet nga Lëvizja Vetëvendosje.
Edhe kandidati tjetër për deputet, Hajrullah Çeku, u shpreh se pas 9 shkurtit ndryshimi i madh do të ndodhë edhe në Pejë dhe tha se avancimi dhe fuqizimi i grave mbetet prioritet.
Në këtë tubim, Lëvizja Vetëvendosje po ashtu u zotua për rritjen e numrit të punësimit të grave në polici, ushtri, shërbimin korrektues të Kosovës dhe në vende të tjera ku punësimi i grave është parë si i pamundur.
